Туган телләребез – ышанычлы кулларда

2000 елда Берләшкән Милләтләр Оешмасы, ЮНЕСКО инициативасын хуплап, күп теллелекне яклау йөзеннән 21нче февральне «Халыкара туган тел көне» итеп билгеләү турында карар кабул итте. Берләшкән Милләтләр Оешмасы мәгълүматларына караганда, бүгенге көндә дөньяда алты меңнән артык телдә сөйләшәләр. Телләр матди һәм рухи мирасны саклап калу һәм үстерүнең иң көчле коралы булып тора. Һәр тел үзенчә матур, бөек.

Агымдагы елның гыйнварында туган телләр һәм әдәбиятлар буенча республика олимпиадалары булып узды. Укучылар аның барышында инша язды, викторина сорауларына җавап бирде, диалог конкурсында катнашты.

Районыбыз данын яклаган укучы кызларның призлы урыннар яулавы барчабызны ихлас сөендерде. Түбән Балтач мәктәбенең 10 сыйныф укучысы Вилиана Сергеева һәм Кальтәү мәктәбенең 8 сыйныф укучысы Наталья Гарифҗанова җиңүче дип табылды. Шулай ук Түбән Балтачтан Полина Шакирова призер булды.

Татар теле буенча олипиадада Шулганнан Лилия Хәмәтнурова (10 сыйныф) һәм Сылу Фәтхетдинова (9 сыйныф), Кальтәүдән Эльвина Закирҗанова (8 сыйныф) призерлар булды. Аларны зур җиңүләргә укытучылары З. Т. Шәрәфетдинова, Л. Н. Зыятдинова, Л. А. Хаҗипова, З. Ф. Закирҗанова әзерләде.

Һәр халыкның туган теле – аның мәдәнияте, тарих көзгесе. Шуңа да телебез сафлыгы, матурлыгы, аһәңлеге өчен барыбызга да армый-талмый көрәшергә, эшләргә кирәк.

Флүзә Минәҗева, район мәгариф бүлеге методисты.

Читайте нас:

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта

[email protected]

Адресы

452830, Республика Башкортостан, Татышлинский район, с. Верхние Татышлы, ул. Ленина, д. 91

Реклама хезмәте

8(34778) 2-10-14

Редакция

8(34778) 2-15-70

Кадрлар бүлеге

8(34778) 2-11-82