Барлык яңалыклар
Безнекеләрне бел!
11 сентябрь 2019, 13:19

Көтүче генә, димәгез!

Укучыларның җәйге каникулларда хезмәткә тартылуларына сокланып карыйбыз. Аеруча егетләр кайдадыр осталыкларын ныгытса, көч тупласа, яхшы. Ни дисәң дә, егет кешегә җитмеш төрле һөнәр дә аз.

Чургылдының укучы егет­ләре Рамил Ахунов, Эльмир һәм Вадим Сәгыйтовлар, Илмир Әхмәтханов, Рифат Нуриев, Алмаз һәм Нияз Гайнетдиновлар озын җәй буе хуҗалыкта көтү көтте. Әйе, эссе, кигәвен, тузан, яңгыр – көтүче шуларның барсына да түзәргә тиеш. Йокы килүенә карамастан, иртә белән торып, эш урынына юнәлү укучы өчен ансат түгелдер. Ләкин егет­ләр үз бурычларын сүз ти­дер­мәс­лек итеп башкарды. Синең карамакта күпме мал – аларны вакытында алып чыгарга һәм кайтарырга, су эчәргә илтергә, югалтмаска кирәк. Ә икенче яклап уйласаң, саф һавада ип­тәш­ләрең белән аралашып, җәйге ялыңны файдага уздыру ничек яхшы!
Әлфия СӘЛИМГӘРӘЕВА.
Автор фотосы.
Читайте нас в