Тәтешле хәбәрләре
-16 °С
Болытлы
TelegramVK
Барлык яңалыклар
Безнекеләрне бел!
19 сентябрь 2019, 14:14

Җәйге волонтер уеннары үтте

20-22 августта Уфа районының «Ал җилкәннәр» балалар үзәгендә 200 кеше катнашлыгында беренче тапкыр җәйге волонтер уеннары үтте. Чара шәһәрне үстерү җәмәгать фонды тарафыннан президент грантлары фонды, БР Яшьләр сәясәте һәм спорт министрлыгы, БР Җәмәгать палатасы фонды ярдәме белән оештырылды.

Республиканың 21 районыннан проектта актив катнашкан 210 волонтер-укучы файдалы башлангычлары белән уртак­лашу, белем туплау, яңа дуслар табу мөмкинлегенә ия булды.
Өч көн дәвамында балалар осталык классларында, тематик конкурсларда, уеннарда катнашты. Конкурс программасы барышында волонтерлар үз сәләтен күрсәтә алды. Тормышка ашырылган проектлар чикләрендә алар үзләре башкарган изге эшләр һәм файдалы чараларны тәкъдим итте.
Җәйге волонтер уеннарын һәм «кече эшләр» марафонын үткәрү нәтиҗәләре буенча оештыручылар иң актив командаларны билгеләде. Марафон һәм җәйге волонтер уеннары буенча нәтиҗәләр чыгарылып, аларның җиңүчеләренә акчалата бүләкләр тапшырылды. Биш меңлек сертификатка ия булган актив командалар арасында безнең мәктәпнең «Данко» волонтер командасы да бар иде. Мәртәбәле кунаклар балаларга башкарган эшләре өчен рәхмәт әйтте.
Слетның өченче көнендә без башкалабыз буйлап сәяхәткә чыгу мөмкинлегенә ия булдык. Әлеге слетны оештыручыларга, транспорт белән яр­дәм иткән район һәм мәктәп хакимиятләренә рәхмәт бел­де­рә­без.
Альбина Әүхадиева, Югары Тәтешле 1нче мәктәбе укытучысы, команда җитәкчесе.
Читайте нас в