Батырлыкка һәрчак урын бар

Җәйге эссе көннәрнең берсендә була бу хәл. Тәтешле районы буенча җаваплылыгы чикләнгән «Гарант» шәхси саклау җәмгыяте хезмәткәрләре Артур Кәрамов һәм Борис Нуруллин үз җаваплылыгындагы чираттагы объектларын – Комаров исемендәге ял һәм сәламәтләндерү лагерын тикшереп кайтып килгәндә Вязовка авылы янындагы буа ярына да күз салырга була.

Шул минутта алар тирән урында батып барган ике хатын-кызны күреп кала. Артур һәм Борис өс киемнәрен дә салып тормыйча ярдәмгә ашыга. Аларның оперативлыгы, җитезлеге белән генә су керергә төшкән ике кешенең гомере сакланып кала...

–Бу егетләр безнең оешмада 2016 елдан алып эшли. Икесен дә җаваплылык хисе, кешелеклелек сыйфатлары берләштерә. Аларга һәрчак ышанырга була, – ди «Гарант» оешмасы начальнигы Альфред Галимәрданов.

Аның әйтүенчә, мондый хәлләр коткаручылар хезмәтендә адым саен очрап тора. Шуңа, безнең көндәлек эшебез бит, дип, бу гамәлне дә алар афишалап тормаган. Ә шулай да яхшылык җирдә ятып калырга тиеш түгел. Күптән түгел бу хакта билгеле булгач, алар муниципаль район хакимиятенең наградаларына тәкъдим ителде. Афәрин, егетләр!

Читайте нас:

Новости партнеров

Владимир Путин поздравил жителей Башкирии и её столицы с 450-летием Уфы

Владимир Путин менән Радий Хәбиров эш осрашыуы үткәрҙе

"Спорт - милләтара диалог һәм тынычлыкны ныгыту коралы"

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта

[email protected]

Адресы