Ветераннар булдырды!

Узган елда «Белем» Русия оешмасының төбәк бүлекчәсе рәисеннән район үзәк китапханәсенә хат килеп төште. Анда өлкән буын вәкилләре арасында барган интеллектуаль уенда катнашырга тәкъдим була. Китапханә хезмәткәрләре моңа берсүзсез ризалык белдерә һәм команда туплана. Үз белемнәрен, зирәклеген сынарга Инзәлиф Гайсин, Ленария Кәрамова, Венера Закирова, Неля Локманова, Людмила Фәрхитова, Нәфисә Солтанова теләк белдерде.

Безнең «ТатУм» командасы бу ярышның зона этабында уңышлы чыгыш ясап, җиңү яулады һәм икенче ярышларда катнашырга хокук алды. Анда да командабыз сынатмады. Өченче турга чыгу барчабызны янә канатландырды.

Агымдагы елның 30 гыйнварында безне янә зур сынау көтте. Монысы инде төбәкара күләмдә иде. Республикадан тыш, Пермь крае, Чиләбе, Оренбург, Самара өлкәләреннән командалар бар иде. Төп ярышта да сынатмадык. Пермь һәм Октябрьский командаларыннан азга гына калып, безнең «ТатУм» командасы 3нче урын яулады. Өстәвенә, «Иң яхшы интеллектуал» исеменә безнең Инзәлиф Гайсин лаек булды һәм махсус приз белән бүләкләнде. Команда әгъзаларына сертификатлар тапшырылды.

Бу бәйгедән без, хаклы ялдагылар, дәртләнеп, канатланып кайттык. Олыгаерга ирек бирми безне бу ярышка әзерләгән һәркемгә рәхмәтебезне җиткерәбез.

Вадим Шәйхлисламов, «ТатУм» командасы капитаны.

Югары Тәтешле.

Читайте нас:

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта

[email protected]

Адресы

452830, Республика Башкортостан, Татышлинский район, с. Верхние Татышлы, ул. Ленина, д. 91

Реклама хезмәте

8(34778) 2-10-14

Редакция

8(34778) 2-15-70

Кадрлар бүлеге

8(34778) 2-11-82