Йөрәкләргә уелган Әфган! 30 ел

Февраль уртасы. Бик күпләрне хисләр чолганышында калырга мәҗбүр иткән вакыт ул. Ә быелгысы аеруча. Бүген Совет гаскәрләренең Әфганстан җирләреннән чыгарылуына 30 ел тулды. Һәм, билгеле, бу көн ветеран-әфганчыларны хөрмәтләү һәм һәлак булган барлык хәрби-интернационалистларны искә алу, хәтер көне дә. 10 ел буе барган сугышта Советлар Союзы үзенең 15 мең гражданын югалтты.

Шушы истәлекле көн алдыннан Балтач районында ветеран-әфганчылар катнашлыгында хәрби-спорт форумы узды. Анда Тәтешле, Балтач, Борай, Кыйгы, Аскын, Мишкә, Караидел районнарыннан килгән яугирләр катнашты. Ярышлар бик көчергәнешле барды. Кичәге солдатлар бүген дә сынатмады. Якташларыбыз дартс һәм пневматик винтовкадан атуда беренчелекне бирмәде.

Урында мени эш! Очрашу, үткәннәрне искә алу, тыныч тормышта яшәүнең кадерен аңлау – менә нәрсә мөһим. Тантаналы чара район мәдәният сараенда дәвам итте.

Еллар үтү белән күп вакыйгалар хәтердән җуела. Әмма бу гаделсез сугыш корбаннары, безнең арада яшәгән яугирләр онытылырга тиеш түгел.

Үз хәбәрчебез.

Читайте нас:

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта

[email protected]

Адресы

452830, Республика Башкортостан, Татышлинский район, с. Верхние Татышлы, ул. Ленина, д. 91

Реклама хезмәте

8(34778) 2-10-14

Редакция

8(34778) 2-15-70

Кадрлар бүлеге

8(34778) 2-11-82