Миебезгә ни файдалы.

Баш миенә файдалы нәрсәләр.

1. Беренче кагыйдә – иртә йокларга яту һәм иртә тору. Иртәнчәк миебез күпкә яхшырак эшли.Мәсәлән төшкә кадәр тапшырылган имтихан, төштән соңга караганда күпкә нәтиҗәлелерәк.

2. Сагыз чәйнәү дә ми эшмәкәрлеген көйли икән. Чәйнәгәндә йөрәк шәбрәк тибә башлый һәм мине глюкоза һәм кислород белән баетуга булышлык итә.

3. В төркемендәге витаминнар мигә яхшы тәэсир итә. В6 витамины хәтерне яхшырта, В1, В12 ми тукымалары тергезүгә һәм барлыка килүгә булыша. Рационга балык, банан, тавык ите кебек ризыклар кертегез.

4. Бер үк вакытта бер ничә төрле эш башкару да яхшы нәтиҗә бирә. Бу вакытта баш мие бар көченә эшли.

5. Дөрес туклану. Иң дөресе әзләп һәм еш ашау. бу тәндә кирәкле энергияне саклауга булышлык итә.

6. галимнәр раславынча, ике, яки тагы да күбрәк тел белү мидәге соры матдәне үзгәртә. Ә ул мәгълуматны эшкәртергә ярдәм итә.

7.Шулай ук шифалы һләннәрдә баш миендәге соры матдәнең эшчәнлеген зур йогынты ясый. Розмарин, шалфей фикер туплауга булышлык итә.

Яшьлек гәзитеннән алынды.