Башкортстан миллионерлар саны буенча иң уңышлы төбәкләр рейтингында.

«Русское лото» лотереясенең беренче гыйнвар тиражында, безнең республика территориясендә, 100 сумга сатып алынган билетлар отышлы булган. Алты кеше берәр миллион сум откан.

Төп приз - бер миллиард сум - Мәскәү кешесе бәхетенә тигән.

-Башкортстан миллионерлар саны буенча иң уңышлы төбәкләр рейтингында. Мәскәү – беренче, икенче - Санкт-Петербург, өченчедә - Уфа, дүртенче урында - Ростов өлкәсе, - дип хәбәр иттеләр лотерея матбугат хезмәтендә.

Яңа ел ярышларында барлыгы 28 801 695 билет откан. Барлык җиңүләрнең гомуми суммасы 3 507 979 503 сум тәшкил иткән.