Тәтешле хәбәрләре
-15 °С
Болытлы
TelegramVK
Барлык яңалыклар
Иҗат
12 ноябрь 2019, 11:45

Мавыктыргыч сәнгать илендә

Кеше сәнгатьсез яши аламы? Мөгаен, юктыр. Җыр, бию булсынмы ул, рәсемме, театр, балет, киномы – монысы мөһим түгел, алар барысы да безнең эчке дөньябызны баета, яхшылыкны, матурлыкны күрергә өйрәтә, авыр чакта юата, яшәргә көч бирә, кыскасы, бәхетле итә.

3 ноябрь көнне Тәтешле тарихи-туган якны өйрәнү музее да «Сәнгать төне» Бөтенрусия ак­ция­сенә кушылды. Бик җылы, дусларча мохиттә узды бу чара. Ул балалар сәнгать мәк­тәбе, китапханәләр системасы, мә­дә­ни ял үзәге, балалар иҗа­ты үзәге хезмәткәрләре бе­лән берлектә оештырылды. Гому­мән, музей ул шундый урын, анда тынычлык, үзенә башка кү­ңел­гә ятышлы атмосфера хакимлек итә.
«Сәнгать төне» кунаклары итеп виртуоз курайчы, балалар сәнгать мәктәбе директоры Айнур Кыямов һәм рәссам, Ялгызнарат мәктәбе директоры Рәмзил Солтанов чыкырылган иде.
Айнур Сәүбән улы үзенең ике видеоклипын тәкъдим итте. Клип төшерү идеясе ничек туган, анда кемнәр катнашкан, ул кайларда күрсәтелгән, болар һәм үзенең башка уңышлары хакында җентекләп бәян итте. Клипны караганда районыбыз, аның талантлы кешеләре, милләте­без төрлелеге өчен горурлык хис­лә­ре кичереп утырдык. Айнур­ның алдыгы планнары да матур. Алдан кычкырган күкенең башы авыртыр, дип, әйдәгез әле­гә алар сер булып калсын.
Рәмзил Солтановның картиналары күпчелеге туган ягы табигатенә, аның кешеләренә багышланган. Гади генә тоелгән әйберләрдә дә гүзәллек күрә белү, аны түкми-чәчми халыкка җиткерү бу чын осталар эше. Рәссамның картиналарында үзеңә таныш булган урыннарны күрәсең дә, кара әле, ничек матур, төгәл җиткерелгән, дип куясың.
Рәмзил Рәмзи улы үзен декоратив кулланма сәнгать остасы итеп тә танытты. Алай гына да түгел, үзенең укучыларына бу сәнгать төренә карата сөю уята алды. Алар берничә ел рәттән Русия күләмендә узган олимпиада призерлары. Тамбов, Санкт-Петербург, Армавир, Сочи, Новосибирск жюриларын таң калдырып кайткан укучылар. Бу сән­гатькә вакыт табып (ә ул бик күп таләп ителә), илһам канатлары астында туган яңа эшләре бе­лән Рәмзил Солтанов
безне килә­чәктә дә сөендерер әле.
Әлфия СӘЛИМГӘРӘЕВА.
Автор фотосы.
Читайте нас в