Гариза

Укып чыга шуны кат-кат

Председатель Котлыәхмәт.

Һәм кул селти: – Ник мин генә

Тиеш соң, – дип, – тикшерергә.

Ни әйтсәң дә, ул – баш, ул – түш,

Һәм бар аның помы, замы.

–Тикшер! – дип, Шәйхетдингә

Тоттыра ул гаризаны.

Шәйхетдин да түрә кеше,

Бригаданың җитәкчесе.

Анда чаба, монда чаба,

Тавык чүпләп бетмәс эше.

Шунда барып йөрмәсәм, ди,

Башыма тай типкән мәллә?

– Тикшер! – дип, гаризаны

Бирә завхоз Искәндәргә.

Тора-бара күчә кәгазь

Искәндәрдән Хәйруллага.

Хәйрулладан Шәйдуллага;

Аннан монтер Зәйнуллага.

Күчә торгач кулдан-кулга,

Ничек язса – шул көенә,

Атна-ун көн үткәч, кәгазь

Кайта ферма мөдиренә.

... Башын иеп, мөдир Хисам

Эш урынына килсә иртән.

Төзәтүне көткән ферма

Түзәлмәгән, авып төшкән.

Фото: https://yandex.ru/images/search?text=%D0%BF%D0%B8%D1%85%D0%B0%D0%B1%D0%B0%D0%B9%20%D1%84%D0%BE%D1%82%D0%BE%20%D1%80%D0%B0%D0%B7%D0%B2%D0%B0%D0%BB%D0%B5%D0%BD%D0%BD%D0%B0%D1%8F%20%D1%84%D0%B5%D1%80%D0%BC%D0%B0&stype=image&lr=20680&source=wiz&pos=12&img_url=https%3A%2F%2Fcdn.pixabay.com%2Fphoto%2F2017%2F09%2F26%2F18%2F59%2Fbarn-2789764_960_720.jpg&rpt=simage