Бер чәчәкнең алты таҗы

Март! Яз белән, әйтерсең, барлык тирә-юнь яңара, табигать озакка талган йокысыннан уянып, күкрәк тутырып сулыш ала, күзен ача. Яз үзе белән матур бәйрәмебез 8 Март – Халыкара хатын-кызлар көнен алып килүче дә. Гүзәл затның матурлыгы, алиhәлеге дә нәкъ менә язгы кояш нурларыннан тагын да чагулана, нәфисләнә.

Менә шундый балкып торучы хатын-кызлардан тупланган да инде «Знамя» кинотеатры коллективы. Аның директоры Гөлназ Бәдрисламова җитәкчелегендә Рәмилә Вәлиева, Айсылу Исламова, Әлфия Шәймәрданова, Алинә Рәхмәтуллина, Венера Гаделгәрәева бер чәчәкнең алты таҗы булып, кинотеатрга килгән халыкны ягымлы каршы ала, елмаеп озатып кала. Аларның бәйрәме дә, яллары да биредә уза, дисәм, һич ялгыш булмас. Заманча яңартылган бинада алар сөенеп эшли. Өстәвенә, бу ханымнар уңган хуҗабикәләр, хәстәрлекле кызлар, ягымлы хатыннар. Яраткан эшең мең хәсрәттән дәва булыр, диләр. Һәркөн күңелең тарткан хезмәт урынына килеп, киңәшләшеп, бер максатка төбәлеп эшләү – үзе бер куаныч. Ә хатын-кызлар тупланган коллективны очкыннары чәчеп торган учака тиңләр идем. Иң мөһиме, ул очкын сүрелмәсен, ә ялкынга әйләнеп, дөрләсен дә дөрләсен.

Әлфия СӘЛИМГӘРӘЕВА.

Рүзилә Мирзоева фотосы.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта