"Кайбер намуссызлар мәктәп ашханәләрендә балаларныкын урлый..."

Идарә вертикалендә намуссыз кадрларга каршы көрәш турында республика җитәкчесе Дәүләт җыелышы-Корылтайга Юлламасы кысаларында белдерде.
"Без идарә вертикален яңарту өчен күп эш башкардык. Үсеш хөкүмәте формалаштырылды. 20 районда һәм биш шәһәрдә ротацияләр булган инде. Мин шуны әйтәсем килә, без яхшы кадрларны читкә җибәрмәскә тиеш. Без алга таба да республика бюджетыннан финанс агымын тәэмин итәчәкбез, әмма коррупциягә киртә куячакбыз һәм угрыларның исемен ачыктан-ачык атаячакбыз. Кайберәүләр намуссызлар хәтта мәктәп ашханәләрендә балалардан урлыйлар", - диде Радий Хәбиров.

Ул, шулай ук, билгеләп үткәнчә, бер ел элек чиновниклар алдан уйлап банкротлыкка алып барган берничә компанияне коткарып кала алганнар инде. Алар арасында "Башавтотранс" һәм "Башкиравтодор" аталды.

"Бер ел элек "Башавтотранс"ны, "Башкиравтодор"ны һәм түрәләр банкротлыкка усал ният белән алып барган башка оешмаларны коткардык. Һәм без, һичшиксез, алардан законсыз алынган участокларны тартып алачакбыз. Башкортстан пароходчылыгын күпме мыскыл итәргә була? Миңа безнең флотны яңадан тергезү буенча төгәл план тәкъдим итүегезне сорыйм", - диде Радий Хәбиров.