Владимир Путин Ангела Меркель белән телефоннан сөйләште

Владимир Путин һәм Германия канцлеры Ангела Меркель Германия ягы башлангычы белән телефон аша сөйләшү үткәрде.

Кремльдә белдерүләренчә, дөнья лидерлары узган "Нормандия саммитын" уңай бәяләде. Моннан тыш, Путин һәм Меркель Евросоюзның энергия хәвефсезлеге турында фикер алышты.
Аерым алганда, дәүләт башлыклары 2020 елның 1 гыйнварыннан соң Украина территориясе аша Русия табигый газ транзиты перспективалары һәм "Төньяк агым-2" проекты турында сөйләште.

Дөнья лидерлары, шулай ук, Ливиядәге кризис турында фикер алышты, вәзгыятьнең кискенләшүенә юл куймауның мөһимлеген билгеләп үттеләр.

Чыганак https://kiziltan.rbsmi.ru/articles/politika/Vladimir-Putin-Angela-Merkel-bel-n-telefonnan-s-yl-shte-42775/