Владимир Путин Конституцияне үзгәртергә тәкъдим итте

Владимир Путин Федераль җыелышка Юллама белән мөрәҗәгать иткәндә Русия Конституциясенә төзәтмәләр кертергә тәкъдим итте. Алар Дәүләт җыелышының, парламентның, Президент вәкаләтләренең һәм түрәләрнең статусының роленә кагылачак.

"Русия яңа Конституциягә мохтаҗ түгел, әмма илнең гамәлдәге төп законына үзгәрешләр кертергә кирәк... Төзәтмәләр кертү турындагы карар русиялеләрнең тавыш бирү нәтиҗәләре буенча кабул ителәчәк", - дип белдерде Путин.