Росимущество хәзер Финанс министрлыгы карамагында булачак

Росимущество хәзер Финанс министрлыгы карамагында булачак.
Дәүләт милеге белән идарә итү буенча федераль агентлык 2004 елда оештырылган. Аның башлыгы 2018 елдан бирле — Вадим Яковенко. Ул - Президент хакимиятенең контроль идарәсе департаментының элеккеге директоры һәм Мәскәү буенча Тикшерү комитетының баш тикшерү идарәсенең экс-башлыгы.

Ведомство буйсынган Икътисади үсеш министрлыгының Яңа Хөкүмәттә башлыгы алышынды — Максим Орешкин урынына бу постка Максим Решетников билгеләнде. Финанслар министрлыгы башлыгы Антон Силуанов үзенең вазыйфасын саклап калды, шул ук вакытта беренче вице-премьер вазыйфасын да.

Росимущество федераль милек белән идарә итү өчен җавап бирә. Росимущество аша Хөкүмәт берничә эре корпорациягә ия, әйтик, ведомствога «Ростелеком»ның 45% ы, «Россия»нең 88% ы, «РусГидро»ның 61% тан артыгы, «Транснефть»нең 78,5% ы керә.

2019 елның октябрендә Финанс министры урынбасары Алексей Моисеев белдерүенчә, ведомство барлык бу компанияләрдә дә, оборонадан тыш, дәүләт өлешен 50% тан да артмаган дәрәҗәгә кадәр киметергә тиеш. Силуанов шулай ук киң колачлы хосусыйлаштыру программасы кирәклеге турында сөйләде һәм икътисади үсеш министрлыгына ил өчен билгеләнми торган һәм мөһим булмаган компанияләр исемлеген әзерләргә тәкъдим итте.

Чыганак https://omet-rb.rbsmi.ru/articles/s-yas-t-m-iktisad/Rosimushchestvo-h-zer-Finans-ministrligi-karamaginda-bulachak-87292/