Башкортстан аграрийлары язгы кыр эшләрен төгәлли.

Башкортстан вице-премьеры – авыл хуҗалыгы министры Илшат Фазрахманов бүген Хөкүмәттәге оператив киңәшмәдә күп кенә районнар иртә сабан культураларын чәчүне төгәлләде, калганнары, уңай һава шартлары сакланган очракта, май ахырына тәмамлаячак, дип сөйләде. Бары тик җылы яратучы культуралар гына кала (тары, карабодай, сорго, судан үләне, кукуруз).
Көзге, сабан культуралары һәм шикәр чөгендере чәчүлекләрен карау дәвам итә. 25 майга көзге бөртекле культураларны химик утау 192 мең гектар (50 процент) мәйданда башкарылган.
Авыл хуҗалыгы товар җитештерүчеләре техника сатып алуны дәвам итә.
"2020 ел башыннан төрле класслы 175 трактор, 230 берәмлектән артык туфрак эшкәртү һәм чәчү машиналары һәм башка техника сатып алынды. Чәчү агрегатлары белән техник тәэмин ителеш буенча тиешле күрсәткечләргә ирешүнең төп максаты - авыл хуҗалыгы культураларын чәчүне 10 календарь көндә бетерүне тәэмин итү. Әлеге нормативка ирешү өчен 3 меңнән артык төрле класслы трактор таләп ителә", — дип билгеләп үтте Илшат Фазрахманов.
Фото: bashinform.ru
Автор: Резеда Галикәева

https://kiziltan.rbsmi.ru/articles/selo/Tehnika-itk-nd--ch-ch-nich-k-nd-t-g-ll-n-ala-288022/