Уфада асфальт җимерелгән

Хәтерегездә булса, шушы арада Уфада Агыйдел елгасының яр буе турында язган идек. Кичә анда асфальт эшерелгән дигән хәбәрләр таралды. Шаһитлар сүзләренчә, бу хәл Салават Юлаев паркыннан төшкән урыннан ерак түгел генә булган.

Асфальт ишелгән урында чокыр хасил булган, анда канализация төеннәренә охшаш корылмалар төсмерләнә.

Тик “Башинформ” язуынча, мэрия һәм коммуналь хезмәтләрдән оператив мәгълүматлар алып булмаган.

“Вакыйга урынына ашыгыч хезмәтләр юлланды, хәвефле урынны уратып алганнар, чокырна грунт белән күмеп куйганнар. Авария нәтиҗәләрен 7 июньдә тулысынча бетерергә ниятлиләр”, - дип хәбәр итәләр Уфаның гражданнарны яклау идарәсендә.