Балалар бакчалары ачыламы, юкмы инде?

Радий Хәбиров РБК телеканалындагы “Что это значит? Next” (кыскартылып - ЧЭЗ) тапшыруында Башкортстанда балалар бакчалары ачылуга кагылышлы сорауга җавап бирде.

“Без әле дежур төркемнәрне генә ачтык. Һәм чынында 280 баладан нибары 14-15е генә бакчага йөри. Бу инфекциягә бәйле хәлләр үсешенә бәйле булачак, – диде республика башлыгы. – Мин кайсыбер балалар бакчаларының тулысынча ачылу очракларын күзәттем. Тик еш кына анда коронавирус учаклары кабынды. Нәтиҗәдә аларны янә яба башладылар. Минем алай эшлисем килми. Бары тик коронавирус инфекциясе таралу куркынычы бераз кимегәч кенә без балалар бакчаларын ачу карарын кабул итәчәкбез”.

Төбәк Башлыгы моны 1 июльдән дә иртәрәк булмаячак дип кисәтте.

Чыганак: https://omet-rb.rbsmi.ru/articles/-mgyyat/Balalar-bakchalari-achilami-yukmi-inde-325830/

Фото: maam.ru

Читайте нас