Электр транспорты станцияләре кайчан төзелер?

Машина хуҗалары башкалада экологик чиста транспорт паркын үстерү, шулай ук мондый транспорт чаралары белән бәйле техник проблемалар турында сөйләштеләр. Җыелучылар күпчелек очракта Nissan брендының япон машиналарын күрсәттеләр. Үзебезнең автомобиль сәнәгатенең бер машинасы да бар иде. Килүчеләр электр белән эшләүче Лада автомобилен зур кызыксыну белән өйрәнделәр.

“Кызганычка каршы, безнең шәһәрдә электр машиналары өчен инфраструктура әле үсеш алмаган. Машина йөртүчеләр һәрбер километрга батарея зарядын исәпләргә тиеш. Шәһәр читендә яшәүчеләргә машиналарын зарядлау җиңелрәк, күпфатирлы йортларда яшәүчеләргә тәрәзәдән дистәләгән метр электр чыбыклары сузарга туры килә. Якын киләчәктә Уфада, тулаем алганда Башкортстанда да электр ягулык салу станцияләре төзелеше белән шөгыльләнүче инвестор, яки эре корпорация барлыкка килер дип ышанабыз", - диде Дәүләт Җыелышы – Корылтай депутаты Вячеслав Рябов.

Очрашуда катнашучылар киләчәктә электр машиналары саны артачагына ышаналар, чөнки алар әйләнә-тирәне пычратмыйлар һәм хуҗалары өчен күпкә экономиялерәк.

Электр транспорты паркын арттыру Владимир Путинның май указларына ярашлы “Экология” милли проектын тормышка ашыруга булышачак.

Чыганак https://omet-rb.rbsmi.ru/articles/milli-proektlar/Elektr-transporti-stantsiyal-re-kaychan-t-zeler-514658/

Фото: Башинформ

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98