"Зинһар ярдәм итегез! Элекке ирем балаларны инвалид ясады инде"

Уфада яшәүче ике балалы хатынны элекке ире эзәрлекли. Хатын lifedd.ru порталына ярдәм сорап мөрәҗәгать иткән. Аның сүзләре буенча, ир хатынга янап төрле смс-хәбәрләр яза, кул күтәрә."Зинһар ярдәм итегез! Ул мине, 2 һәм 5 яшьлек балаларны эзәрлекли. Балаларны инвалид ясады инде", - дип язган.Хатта язылганча, узган ел ир хатынның фатирына кереп, аның улын кыйнаган һәм кыйммәтле бизәнгечләрен алып чыгып киткән. Шулай ук ир социаль челтәрләрдә хатынның фотосурәтен, телефон номерларын куеп, аның җенси хезмәт күрсәткәнен язган.Бу хәбәрне "Башинформ" агентлыгы тикшереп, республика буенча Эчке эшләр министрлыгына шалтыраткан. Анда иргә карата җинять эше кузгатылуын әйткәннәр." Кызыл тан" сайтыннан.