Тәтешле хәбәрләре
-19 °С
Болытлы
TelegramVK
Барлык яңалыклар
Мәгариф
25 октябрь 2019, 13:33

Укытучы укучыны эпилепсия өянәгенә җиткергән?

Уфа мәктәпләренең берсендә белем алган укучының әнисе укытучыны судка бирергә ниятли. Ул гына түгел, кыз бала сүзләре буенча, берсе дә аңа дәрес бетмичә ашыгыч ярдәм чакыртмаган.

Укучы үзе сөйләвенчә, педагог аны такта янына чакырткан да барлык сыйныфташлары арасында мыскыл итә башлаган. Эльвина үзен начар хис итүен күргәч тә, укытучы дәресне берни булмагандай дәвам иткән.
Эльвина Нәртдинова:
“Аның мыскыллауларыннан соң мин парта артына утырдым, ул вакытта берни эшли алмадым. Мин инде дәрестә түгел идем. Укытучының, тәнәфескә кыңгырау шалтырамыйча, моңа бер реакциясе дә булмый. Классташларның ара-тирә: “Ул үзен начар хис итә, берәрсен чакырыгыз инде, әнисенә шалтыратыгыз”, - дип пышылдаган сүзләрне хәтерлим.
Быел Эльвина беренче тапкыр мәктәпкә барган. Моңа кадәр 8 ел ул өйдә генә белем алган. Укытучы белән вакыйгадан соң ул янә өйдә укый башлый. Ә уку әсбаплары янында эпилепсиягә каршы препаратлар ята...
Кыз баланың әнисе сүзләре буенча, укытучысы бер тапкыр да Эльвинаның хәлен белмәгән.
Регина Нәртдинова, Эльвинаның әнисе:
“Миңа Эльвинаның сыйныфташлары шалтыратты, укытучысы да түгел. Мәктәпкә ничек йөгереп килгәнемне дә хәтерләмим. Килсәм, кызым парта артында утыра, теш казналыгы чалшайган. Мондый өянәге әлегә кадәр булмады. Аяклары сизми башлаган иде”.
Уфаның 157 санлы директоры Лилия Ракаева:
“3 октябрь көнне рус теле һәм әдәбияты дәресендә 9 “А” сыйныф укучысы үзен начар хис итә. Моны күргән укытучы, медицина кабинетына төшеп, мәктәп педиатрына хәлне аңлата, аннары ашыгыч ярдәм чакырта”.
Кемгә ышанырга соң бу очракта?
«Өмет» сайтыннан.
Читайте нас в