Мәктәптә коррекция эше

Коррекция эшен алып бару максатында, безнең мәктәптә логопед төркеме эшли. Ул сөйләм җитешсезлекләрен коррекцияләү өстендә шәхси һәм системалы эш алып баруны тәэмин итә. Сөйләмдәге фонетик-фонематик тайпылышларны, тотлыгуны коррекцияләү буенча программалар, методик эш планы төзелде.

Төркемдә 37 (1-4 сыйныфлар), шул исәптән мөмкинлекләре чикләнгән сигез бала шөгыльләнә. Аларның һәрберсенә сөйләм картасы ачылды, бу коррекция эшендә барлык проблемаларны исәпкә алу мөмкинлеге бирә. Укучылар белән эш төркемнәргә бүленеп тә, индивидуаль рәвештә дә алып барыла. Гомуми коррекция эшендә логопед һәм укытучыларның бердәм эшчәнлеге зур әһәмияткә ия. Алар ата-аналар белән консультацияләр, җыелышлар, ачык күнекмәләр, шәхси әңгәмәләр формасында алып барыла.

Күнекмәләрдә күргәзмә әсбаплар киң кулланыла. Шулай ук бармаклар моторикасын үстерү, дөрес тын алу биремнәренең файдасы зур. Иң мөһиме: бала белән мөнәсәбәт ышанычка, уңай эмоцияләргә корылган булырга һәм уку процессы шатлык китерергә тиеш.

Баланы дөрес һәм матур итеп сөйләшергә өйрәтү, үз-үзенә ышанычын арттыру, һәр баланың сәләтле икәнен аңлау – иҗади карашлы педагогның төп бурычлары шулардан гыйбарәт.

Раушания Тимербаева, Югары Тәтешле

2нче мәктәбенең

укытучы-логопеды.

Читайте нас:

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта

[email protected]

Адресы

452830, Республика Башкортостан, Татышлинский район, с. Верхние Татышлы, ул. Ленина, д. 91

Реклама хезмәте

8(34778) 2-10-14

Редакция

8(34778) 2-15-70

Кадрлар бүлеге

8(34778) 2-11-82