Уфа укучылары нигә БДИдан баш тарткан?

Уфада чыгарылыш сыйныф укучыларының биш проценты диярлек БДИ тапшырудан баш тарткан. Бу хакта бүген, 2 июньдә, мэриядә узган оператив киңәшмәдә шәһәр мәгариф идарәсе башлыгы Елена Хаффазова хәбәр итте.

"11нче сыйныфны тәмамлаучы 5 205 укучының 4 946сы БДИ тапшырачак. Алар барысы да дәүләт аттестациясе буенча теркәү базасында. Әмма 259 кеше — бу 11нче сыйныфны тәмамлаучыларның гомум санының биш проценты диярлек — БДИ тапшырудан баш тарткан. Төп сәбәпләр — урта һөнәри белем бирү оешмаларына укырга керү һәм чит ил уку йортларына укырга керү өчен чит илгә китү”, — диде ул.

9нчы сыйныфларга килгәндә, биредә 10 320 укучы укуны тәмамлаган, аларның 5 221е 10нчы сыйныфларда укуын дәвам итәчәк, 5 099ы урта һөнәри белем бирү оешмаларына укырга керергә планлаштыра. Ягъни 9нчы сыйныфны тәмамлаган укучыларның 51 проценты мәктәпләрдә калачак.

Башкортстанда 18 265 чыгарылыш укучысының 17 156сы БДИ тапшырырга ниятли, ә 1 109 кеше әлегә билгеле түгел.