Башкортстанда мең кеше IT-һөнәрләргә бушлай уку мөмкинлегенә ия

Проект "Санлы икътисад" гомумдәүләт проектының "Санлы икътисад өчен кадрлар" федераль проекты кысаларында тормышка ашырыла.

- Башкортстан халкы санлы икътисадның 22 юнәлеше буенча өстәмә һөнәри белем алырга мөмкинлек бирүче бер мең персональ санлы сертификат алды. Сертификатлар - "Зур мәгълүматлар", "Ясалма интеллект", "Санлы маркетинг" һәм башкалар темаларга багышланган, - дип белдерде Башкортстан буенча "Шәхси санлы сертификатлар" проекты җитәкчесе Руслан Габидуллин.

Руслан Габидуллин билгеләп үткәнчә, Башкортстанда өстәмә белем алырга теләүчеләр республикага бирелгән сертификатлардан шактый күбрәк булган. Моның өчен заявка бирергә, тест узарга, шулай ук билгеле критерийларга туры килергә кирәк иде.

Русиядә IT-һөнәрләр буенча барлыгы дистәләрчә мең кеше түләүсез өстәмә белем алачак.

Фото; pixabay.com сайтыннан.