Башкортстан укучылары “Киләчәккә билет” ала

Башкортстанда 6-11нче сыйныф укучыларының “Киләчәккә билет” башлангыч һөнәри юнәлеш бирү проекты старт ала. Русия Президенты Владимир Путин билгеләгән гомумдәүләт проектлары арасында мәгариф юнәлешендәгесе балаларга лаеклы белем бирү, аларның сәләтен үстерү, киләчәктә һөнәр сайлауда ярдәм итү һәм башка бик күп башлангычларны күз уңында тота. “Киләчәккә билет” — шул башлангычларның берсе һәм Русиянең Мәгариф министрлыгы ярдәме белән оештырыла.#ВладимирПутин#национальныепроекты #нацпроекты #региональныепроекты #регпроекты #нацпроектыБашкортостан

Башкортстан өченче ел проектта катнаша. Узган ел бөтен республикадан 30 мең мәктәп укучысы проектның электрон платформасында теркәлде, аларның 25 меңе тестның өч этабын узды. 18 500дән артык укучы танышу форматындагы чараларда катнашты.

Быел проект өч этапта узачак: беренче этап — онлайн-тест, икенчесе —практик чаралар, өченче этап —арытаба һөнәри үсеш өчен индивидуаль уку планын төзү буенча шәхси киңәшләр.

Проект мәйданчыклары июльдән ноябрьгә кадәр 66 компетенция буенча эшләячәк, алар арасында: “Хокук саклау эшчәнлеге”, “Сити-фермерлык”, “Мобиль кушымталар эшләү”, “3Д-модельләштерү”, “Веб-дизайн һәм эшләнмә”, “Интернет маркетинг”, “Фармацевтика”, “Ветеринария”, “Пешекче эше”, “Электроника”, “ЧПУ белән станокларда фрезер эшләре”, “Электр энергиясен исәпкә алуның интеллектуаль системалары”, “Туризм”, “Ресторан сервисы” һәм башкалар бар.

Башкортстан 2020 елда “Яшь профессионаллар” (Ворлдскиллс Русия) берлеге белән проектны тормышка ашыру турындагы килешүгә кул куйган тәүге төбәкләрнең берсе булды.

kiziltan.rbsmi.ru

Читайте нас:

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта

[email protected]

Адресы

452830, Республика Башкортостан, Татышлинский район, с. Верхние Татышлы, ул. Ленина, д. 91

Реклама хезмәте

8(34778) 2-10-14

Редакция

8(34778) 2-15-70

Кадрлар бүлеге

8(34778) 2-11-82