1 сентябрь линейкалары булырмы?

Быел 1 сентябрьдә мәктәпләрдә традицион линейкалар булмаячак. Тантаналы чара форматы коронавирус аркасында үзгәрәчәк, диде Русия Мәгариф министры Сергей Кравцов “Пандемиянең беренче нәтиҗәләре: бөтендөнья мәгариф системасы өчен яңа мөмкинлекләр” халыкара конференциясендә.

- Без мәктәпләрдә линейкаларны икенче төрлерәк форматта үткәрәчәкбез. Әмма укучылар мәктәпләргә киләчәк. Укытучылар да килер һәм белем бирү процессы башланыр дигән өмет бар, - диде ул.

Моның белән беррәттән ведомство җитәкчесе уку йортларында 1 сентябрь линейкаларының нинди форматта үтәчәген ачыклап әйтмәде. Аныңча, яңа уку елы, коронавирусның яңа дулкыны таралуга юл куймас өчен, хәвефсезлекнең барлык таләпләрен исәпкә алып башланачак.

Моңа кадәр 1 сентябрьдән Әбҗәлил, Благовар, Федоровка һәм Яңавыл районнарында мәктәп укучыларының бердәм мәктәп формасын йөртәчәге билгеле булган иде. Бу муниципалитетларда пилот проекты рәвешендә мәктәп формасының бердәм үрнәге кертеләчәк. Форманың үзенчәлекле билгесе – шевронында Башкортстан Республикасы символикасының бердәм үрнәге кулланылачак.

Фото: “Башинформ”.

Чыганак: https://omet-rb.rbsmi.ru/articles/m-garif-m-grif-t/1-sentyabr-lineykalari-bulirmi-359466/

Читайте нас:

Новости партнеров

Был стипендия кемдәргә түләнә?

На уровне молекул

Яңа елда пособиеләр күпмегә артачак?

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта