Үтермә мине, әнием...

Аборт – ул йөклелекне ясалма туктату. Бүгенге көнгә яңа яралып килгән кешенең гомерен өзү­че бердәнбер медицина процедурасы.

Һәр хатын-кызның тормышында аборт иң соңгы чара булырга тиеш. Иң беренче очракта, үзенә куркыныч янаганда. Кызганычка каршы, хатын-кызлар табибка бала өчен җаваплылык хисләре булмаудан, очраклы җен­си бәй­лә­нешләрдән соң килә. Бу вакытта ул абортның ни­ка­дәр авыр эз калдыруын уйлый микән?

Йөклелекне ясалма өзү хатын-кызның җенси әгъзаларына гына түгел, бөтен организымына кире йогынты ясый. Бигрәк тә беренче йөклелекне өзү очрагы. Статистика буенча балага узалмаган һәр 100 хатын-кызның 75е беренче йөк­лелегенә аборт ясаткан.

Аборт шулай ук организмдагы барлык процессларны җайга салып торучы эндокрин сис­те­ма­сы эшчәнлеген, менструаль циклны боза. Бу хатын-кызның психикасына зур йогынты ясый. Организм йөклелекне ясалма өзүне хәтерендә калдыра һәм икенче йөклелекне үзе үк туктатырга сәләтле. Моннан тыш, ана­лыкның муены үзенең сыгылмалылыгын һәм тыгызлыгын югалта. Аборт вакытында баланы алыр өчен аналыкның муены киңәйтелә. Бу очрак йөклелекнең ничә атналык булуына да бәй­ле. Бу инде, үз чиратында, му­енчаның яралануына, ертылыуына китерә. Һәм соңыннан бала тапканда уңайсызлык тудыра. Моннан тыш, аналыкның мус­куллары җәрәхәтләнә.

Анда аборттан соң төерләр, полиплар, җөй­ләр калуы бар. Бу инде алдагы йөк­лелекне йөретүгә комачаулый. Аборттан соң, торбаларда, карында, аналык муенында эрозия, күкрәк бизләрендә яман шеш авырулары барлыкка килүе мөм­кин.

Абортка барган хатын-кыз үзенең никадәр коточкыч адымга барганын аңлап җиткерәме? Бу процедурадан соң аның психикасы да үзгәрә бит. Ул гомере буе шушы уйланмаган адым ясавына үкенеп, үз-үзен гаепләп яшәячәк. Бу инде нерв һәм психик авыруларга китерергә мөмкин.

Балага узу – ул зур бәхет, син­дә яңа кеше яралганын белү шатлыгы. Тугыз ай буена аны сак­лап, көтеп алу, баланың дөньяга килүе – үзе бер могҗиза.

Гөлнара Садертдинова, табиб-гинеколог.