Чит ил җимешләрен содалы суда чайкатыгыз

Кибеттән сатып алынган җиләк-җимешне юмыйча ашарга ярамый. Чыннан да, чит илләрдән кайткан җимешләрнең нинди складларда сакланганын һәм ни рәвешле безгә кайтарылганын күрмибез. Шул ук вакытта, чиста су гына гөмбәчекләрне яисә башка микробларны тулысынча юкка чыгармаганлыгын да беләбез.

Җимешләрдәге микробларны бетерергә уйлыйсыз икән, аларны сода белән юыгыз. 1 литр суга 1 чәй калагы сода салыгыз да вак җимешләрне шушы суда ике минут чамасы тотыгыз. Аннары су белән чайкатырга кирәк.

Киптерелгән җимешләрне содалы суда 20 минут тотарга кирәк.

«Кызыл таң» сайтыннан.