Даруларны рекламалау тыелырмы?

-- Дару препаратлары һәм медикаментларны рекламалауны тулысынча тыярга кирәк, - диде Ярослав Нилов Русия сәламәтлек саклау атналыгы ачылышында.

Ул билгеләп үткәнчә, дару – социаль продукт ул, кешеләр аларны алу өчен шактый зур акчалар сарыф итә һәм препаратларны рекламаның көчле басымы астында сатып ала. “Безнең дару җитештерүчеләр чаң кага башлады инде. Алар үз товарларын тәкъдим итү өчен бюджет акчалары бүлеп бирә алмавын әйтә. Даруханәләрдә без чит ил товарларының зарарлы йогынтысын күрәбез, безнең җитештерүчеләр анда хәтта үз препаратларын да куярлык хәлдә түгел”, - дип ачыклык кертте Ярослав Нилов, дип яза “Татар-информ”.

«Кызыл таң» сайтыннан.