Стоматология кабинеты - мәктәптә!

БР Башлыгы Радий Хәбиров башлангычы белән «Сәламәт елмаю» модулен тормышка ашырып, Югары Тәтешле 1нче мәктәбендә стоматология кабинеты эшли башлады.Моның өчен мәктәптә зур эш башкарылды. СанПин таләпләренә туры килгән бүлмә заманча медицина җиһазлары белән тәэмин ителгән.Бүгеннән анда профилактик күзәтүләр үткәрелә: укучыларның теш сәламәтлеге тикшерелә. Якын киләчәктә биредә башка мәктәп укучылары да тешләрен дәвалый алачак.