Песиләр коронавирус тарата аламы?

“Йорт хайваннары инфекция таратучы була аламы?” дигән сорау бик күпләрне борчый. БР Сәламәтлек саклау министрлыгында коронавирусның йорт хайваннары арасында таралуы турындагы имеш-мимешне кире кактылар.

Төбәк сәламәтлек саклау министры Максим Забелин сүзләренә караганда, йорт хайваннары COVID-19ны тарата алмый. “Бүгенге көнгә төгәл билгеле: кешедән тыш, ярканатлар гына әлеге чирнең чыганагы була ала”.

Республиканың гигиена һәм эпидемиология үзәге баш табибы Анна Казак та халыкны бу җәһәттән борчылмаска чакыра. “Йорт хайваннарыннан әлеге вирус йокмый. Ул кешедән кешегә генә йога ала”, – дип ышандыра ул.

Фото: pixabay.com

Чыганак: https://omet-rb.rbsmi.ru/articles/koronavirus/Pesie-n-n-kurikma-191009/