Куркынычрак авыру яный

“Без барыбыз да 30-35%ка үлемгә китерә торган җитди эпидемияне көтәбез”, – диде ул.

Мясников коронавирус белән булган хәлләр дөньяга яңа эпидемиягә әзерләнергә мөмкинлек бирәчәк, дигән фикердә. Табиб шуны да әйтте, бүген иң куркыныч урын – дәваханә. Нәкъ анда коронавирус йоктыру ихтималы зур икән.

22 апрельдә табиб Русиядә коронавирусны йоктыру очракларының иң югары ноктасы хакындагы фаразларын ялгыш дип белдерде. Ягъни, ил COVID-19ны йоктыруның югары ноктасына 2-3 ай эчендә чыга. “Бездә ул мин фаразлаганда түгел, ә бер айга диярлек соңрак башланды. Димәк, без майга кадәр югарыга барабыз, майда иң югары ноктага барып җитәчәкбез, май ахырында исә коронавирус йоктыру очраклары кими төшәчәк”, – дип төгәлли табиб.

Әйткәндәй, билгеле табиб коронавирус белән авырганын сөйләде. Ул тест үткән. Һәм аның нәтиҗәләре Мясниковның организмында коронавируска каршы тәнчекләр барлыгын күрсәткән.