Авыл хатын-кызларының эш сәгатен арттырачаклар, ди

Бу мәсьәлә 2019 елның беренче яртысында Русиянең өч яклы комиссиясенең чаралары планына кертелгән. Агросәнәгать комплексы хезмәткәрләре бу башлангычка каршы чыга. Алар авылда яшәүче хатын-кызларга йорт эшләрен башкару өчен өстәмә вакыт кирәк, дип уйлый, дип яза "Татар-информ".

"Министрлык хезмәткәрләре искергән нормаларны гамәлдән чыгару эше бара дип әйтә. Әмма без авылда тормыш сыйфаты сизелерлек күтәрелгәч кенә ташламаларны гамәлдән чыгарырга мөмкин, дип уйлыйбыз", — дигән профсоюз оешмасы рәисе урынбасары Галина Юрова. Хәзер башкалар 40 сәгать эшләгәндә, авылда хатын-кызлар атнага 36 сәгать кенә эшләп, тулы хезмәт хакы ала.

"Росстат" мәгълүматлары буенча, авыл җирендә 37,6 миллион кеше яши. Аларның яртысыннан күбесе - хатын-кызлар (20,3 миллион). Шуларның 63,3 проценты эшли. Шулай итеп, бу яңалык 12,9 миллион чамасы хезмәткәргә кагылачак.

Интернеттан.