Русия көнендә Президент Хезмәт Герое медальләрен тапшырды

Тантана башланыр алдыннан дәүләт бәйрәме - Русия көне уңаеннан Русия Федерациясе дәүләт флагы күтәрелде.
Хезмәт Герое исеме 2013 елда билгеләнде һәм дәүләт, иҗтимагый һәм хуҗалык эшчәнлегендә күренекле нәтиҗәләргә ирешкән, илнең социаль-икътисадый үсешенә өлеш керткән өчен бирелә.
Президет ил халкын Русия көне белән котлады.
- Безнең һәркайсыбыз өчен Ватан - ул гаилә һәм туган йорт, Калининградтан алып Камчаткага һәм Куриль утрауларына кадәр, төньяк, арктик диңгезләрдән Севастополь һәм Кырымга кадәр туган ил. Бу иксез-чиксез киңлекләрдә безнең меңьеллык тарихыбыз, бөек шөһрәт һәм горурлык, ата-бабаларыбызның бетмәс-төкәнмәс батырлыгы, аларның Ватанга ышанычы һәм мәхәббәте белән тулыландырылган.
Илебез турында якты хисләр һәрвакыт безнең халкыбызга кыенлыклар аша үтәргә, үз-үзеңне аямыйча, кырыс сынауларда сакларга, теләсә нинди чакыруларга җавап бирергә ярдәм итте, - диде Владимир Путин.

Фото: kremlin.ru

https://kiziltan.rbsmi.ru/articles/politika/Rusiya-k-nend-Prezident-Hezm-t-Geroe-medall-ren-tapshirdi-317192/?sphrase_id=27739