Санкт-Петербург институтында укыячаклар

РФ президенты В.Путинның май указларына ярашлы кабул ителгән "Мәдәният" гомумдәүләт проекты кысаларында эшләүче "Иҗади кешеләр" төбәк проекты буенча Башкортстан китапханәчеләре Санкт-Петербуг институтында укыячаклар.

БР Мәдәният министрлыгы китапханәләр тармагындагы иҗат кешеләре һәм идарәче кадрлар өчен белем камилләштерү эшен оештырды. Аның координаторы- Әхмәт-Зәки Вәлиди исемендәге милли китапханә.

7-20 сентябрь көннәрендә ике төркем китапханә хезмәткәрләре укулары оештырыла. 45 муниципаль районнан һәм шәһәрләрдән - беренче агымда- 57, икенче агымда 103 кеше белемен камилләштерәчәк.

Уку дистанцион формада Санкт- Петербург дәүләт сәнгать институтында: "Муниципаль китапханәләрдә заманча технологияләр һәм практика" программасы буенча алып барылачак.