Үзен яшьли чыныктыра

Сәламәт тормыш алып барырга омтылучылар өчен кыш үзенчәлекле мизгел. Дәресләрдән соң балалар кемузардан шугалакка йөгерә: анда хоккей да, анда тимераякта шуулар да. Хоккей уеннарын карарга җанатар булып килгән саен бик җитез, бар күңелен салып уйнаган бер малай игътибарымны җәлеп итә. Аның уйнаганын күзәтү – үзе бер ләззәт!

Спорт – ул физик кына түгел, рух ныклыгы бирүче дә. Ринат кебек максатчан егетләр, киләчәктә профессиональ спортчы булмасалар да, чын ир-егет булып үсәчәкләр. Ә спорт белән шөгыльләнеп, энергия, көч-дәрт алырга районда мөмкинлекләр җитәрлек.

Резидә Гәрәева.

Читайте нас