Көмеш медаль - кызлар кулында!

Әле декабрьдә үк оста һәм тәҗ­ри­бәле тренер Рамазан Арсланов җи­тәк­че­ле­ген­дәге Алсу Бәкирова, Эльмира Закирова, Элина Кыямова, Алия Әхмәтова, Азалия Фә­юршина, Айсылу Рафыйкова, Алсу Бариева, Диана Әгъзамова, Регина Шәй­хуллина, Камилла Муллагалиева, Лилия Вә­линурова, Камилла Тимерхановадан торган кызлар командасы, барлык төньяк район командаларын җи­ңеп, ярыш­лар­ның төбәк этабына баруга бер­дәнбер юлламага ия булган иде.

Һәм менә алар 22-25 гыйнварда өч көн дәвамындагы ярышларда республиканың иң көчле бас­кетболчылары белән көч сынашты. Анда шә­һәр мәктәпләре дә катнашты. Безнең баскетболчылар җиңүгә ышанычлы барды, ярымфиналда алар Баймак командасын җиң­де. Бары тик финал уеннарда аз гына ара белән Уфа спортчыларыннан калышты.

Аларны көмеш медаль яулаулары белән котлыйбыз! Афәрин! Килә­чәктә дә җиңүләр күп булсын!

Баскетболчылар командасы исә тренировкалар үткәрү, ярышларда кат­на­шуга шартлар һәм мөм­кинлекләр

ту­дыр­ган һәр­кемгә ярдәмнәре өчен рәх­мәт­ле.

Алсу Үтәшева, Югары Тәтешле 2нче мәктәбе укытучысы.