Спорт яңалыклары

Анда Башкортстаннан, Казахстан, Удмуртия, Татарстан, Чуваш Рес­публикаларыннан, Чиләбе, Ырымбур, Свердловск өлкәләреннән килгән спортчылар көч сынашты. Көрәшче­лә­ре­без Рената Шәймөхәмәтова – 2нче, Альберт Котлыбаев һәм Рәвил Борханов 3нче урыннар яулады.***14-15 ноябрьдә Уфада Евразия студент уеннары чикләрендә билбаулы көрәш буенча ярышлар узды. Анда төрле уку йортлары студентлары көч сынашты. Якташларыбыз Юнир Закиров һәм Давид Галимәрданов катнашты. Давид иң яхшы алты көрәшче исемлегенә керде.Азамат Назаров, балалар һәм үсмерләр спорт мәктәбе директоры.***16 ноябрьдә безнең районда «Дуслык» кубогына тиз шахмат ярышлары узды. Анда Тәтешле, Аскын, Балтач, Борай, Яңавыл районнарыннан, Нефтекама шәһәреннән, Пермь краеның Чернушка һәм Куеда районнарыннан командалар ярышты. Бәйге кубогын чираттагы тапкыр Чернушка районы командасы яулады. Борай һәм безнең район командалары 2нче һәм 3нче урыннарны бүлеште. Җиңү­че­ләр, призерлар медальләргә, дип­ломнарга һәм кыйммәтле бүләкләргә лаек булды. ***16 сентябрьдә «Планета СПОРТ» физкультура-савыктыру комплексында ХVIII Авыл спорт уеннары зачетына авыл Советлары биләмәләре, оешмалар, предприятиеләр, учреж­де­ниеләр арасында йөзү буенча ярышлар үтте. Авыл биләмәләре арасында Түбән Балтач авыл Советы командасы беренчелекне бирмәде. Пьедесталның 2нче һәм 3нче баскычларында – Шулган һәм Күрдем авыл Советлары биләмәләре. Предприятиеләр, оешма һәм учреж­де­ниеләр арасында 91нче янгын сүндерү часте җиңүче дип табылды. Эчке эшләр органнары бүлеге һәм мәгариф бүлеге 2нче һәм 3нче урыннарны бүлеште. Яшьләр сәясәте һәм спорт бүлеге.