Чаңгы ярышлары буенча чемпионнар

Түбән Балтачта БР укучыларының 21нче спартакиадасы зачетына гомум белем бирү мәктәпләре укучылары арасында чаңгы буенча район ярышлары үтте. Анда тугыз мәктәптән спортчылар җыелды.

Шәхси урыннар арасында барлык призлы урыннарны да Түбән Балтач мәктәбе спортчылары яулады. Егетләр арасында 1нче урында – Рудель Гәрәйшин. 2нче һәм 3нче урыннарны Илья Нурисламов һәм Давид Кайранов бүлеште. Кызлар арасында иң җитезе Линда Гәрәева булды. Карина Мөхәярова – 2нче, Даша Туктамышева 3нче урынга чыкты.

Призлы урын алучылар грамоталар белән бүләкләнде.

Җиңүче команда Борайда үтәчәк ярышка район данын якларга барачак. Аларга уңышлар телик!

Полина Шакирова, Түбән Балтач мәктәбе укучысы

Читайте нас