Машина тәрәзәсе парланса

Автомобиль салонында спирт парлары булу – тәрәзә тирләүгә китерә торган бер фактор. Әлеге химик элемент гидроскопик, ягъни үзенә дым сеңдерә торган сәләткә ия. Шуның нәтиҗәсе буларак, машина тәрәзәләре тирләп чыга. Моның сәбәбен, мотлак, машина йөртүчедән яки салмыш пассажирдан эзләргә кирәк дигән сүз түгел. Машина тәрәзәсе салонда дымлы, юеш әйберләр булганга да тирләргә мөмкин. Тавыш изоляциясе дымлы булу да сәбәпче була ала. Тәрәзәләр тирләмәсен өчен гидроизоляция сыйфатын контрольдә тотарга, пыяланы тыгызлагыч нык урнашканмы, пыяла чистарткыч, антенна чыга торган урында һава керердәй тишек калмаганмы – боларның барысын да карарга кирәк.

Әмма шул вакытта да тәрәзәләрегез тирләсә, аларны чүпрәк белән түгел, кәгазь белән сөртергә кирәк. Бе­ренчедән, кәгазь белән сөрткәндә тәрәзәдә таплар да калмый, ул озак вакыт парланмаячак та.

«Кызыл таң» сайтыннан.