Башка кайгы бетте, хөкүмәт бил үлчәргә җыена!

Бу хакта сәламәтлек саклау министры Вероника Скворцова белдергән.

Күптән түгел “Роспотребнадзор”да бил үлчәмен 90 сантиметрдан (хатын-кызлар өчен — 80 сантиметр) арттыру тыелу турында закон кертелгән Япония тәҗрибәсен өйрәнүләрен белдергәннәр иде. 40-75 яшьлек японнар мотлак рәвештә ел саен медицина тикшерүе үтә. Әгәр дә хезмәткәрнең биле 90 сантиметран артык икән, аңа шелтә белдерелә һәм эш бирүче зур штраф түли.

Русиядә дә японнардан калышмаска булганнар, ахры. Көлке түгелме инде бу, ә? Японнарның башка кайгысы юк аларның, ә безнең илдә проблемалар тулып ята. Сәламәтлек саклау өлкәсендә бигрәк тә.

«Кызыл таң» сайтыннан