Русия эстрадасы "поп-короле" үлемнән чак калган

Филипп Киркоров үз балалары белән очкан Болгария самолеты Мәскәүнең Домодедово аэропортына төшкәндә уңышсызлыкка тарыган.

"S7" компаниясенең Варна — Мәскәү рейсы артистның күңелендә озак сакланыр инде.

Очкыч башта түбәнәя алмый, соңыннан очып китү-төшеп утыру юлына шассие белән каты бәрелә, нәтиҗәдә, икенче әйләнешкә күтәрелеп китә. Шуннан соң гына очучылар самолетны уңышлы төшереп утырта ала.

Аллаһка шөкер, берсе дә зыян күрмәгән.