"Салават абыйдан бисмилла сорап торыгыз әле..."

"Мин аны кызык итеп сөйлим, ләкин ул кызганыч. Килгәндә бер дустымның оныгы ашаган иде бездә. Пешекче ападан сорый икән: «Шулчаклы тәмле пешергәнсез, нәрсә белән пешердегез», — дип. “Бисмилла” белән пешердем», — дигән пешекче. Өйләренә кайтып, дәү әнисенең башын катырган, "Салават абыйлардан бисмилла сорап торыгыз әле, тәмле була икән бисмилла кушып пешерсәң", - дип. Ул аны ингредиент дип аңлаган.

Көлке, ләкин кызганыч. 4-5 яшьлек бала әле дә "бисмилла" әйтә белми. Татар баласы. Бу кызганыч кына да түгел, бу куркыныч", - дигән ул "Татар тудей" хәбәрчесенә.

«Кызыл таң» сайтыннан