Смартфонга бәйлелек яман шешкә китерә

Белгечләр мәгълүматы буенча, кесә телефонын югалтудан курку хисеннән (номофобия) Италиядә һәр 10 үсмернең 8е җәфа чигә. Аларның, смартфон чисә Интернет булмаса, дигән уйдан ук котлары алына.

Уртача алганда, бер бала телефонын көненә 75 тапкыр тикшерә икән. Үсмерләрнең 62 проценты социаль челтәрләрдә төн буе утыра, бу исә аларның сәламәтлегенә зур зыян сала. Мәктәптә өлгереш күрсәткечләре дә

түбән тәгәри.

Смартфонга бәйлелектән җәфа чигүче балаларны һәм үсмерләрне ачыклау белән Италиядә Сәламәтлек саклау министрлыгы, Яшьләр һәм балалар эшләре буенча комитет, хәтта полиция шөгыльләнәчәк. Дәвалау дәүләт исәбенә үткәреләчәк.

Безнең илдә дә мондый эшне башлау кирәк түгелме икән? Бездә дә балалар һәм үсмерләр кесә телефоныннан аерыла алмый бит. Шул ук вакытта Германия галимнәре смартфоннардан таралган электромагнит нурланышының баш мие яман шешенә китерү хәвефенең зур булуын ачыклаган.

«Кызыл таң» сайтыннан.