Фирдүс Тямаев этләр приютына 30 мең сум акча күчергән

Тема зурга китмәс иде, әгәр дә аны социаль челтәрләр генә түгел, ә республика күләм матбугат чаралары да күтәреп алмаса. Ахырчиктә видео Гүзәлнең аккаунтыннан бетерелде, ә Фирдүс Тямаев үзенең аккаунтында халыктан гафу үтенде. Бүген теманың дәвамы бар. Фирдүс Тямаев бүген 28 октябрь көнне Казаннан ерак түгел Столбище бистәсендә урнашкан этләр приютына 30 мең сум акча күчергән.

Бу сумма андагы этләрне ай ярым ашатырга, тәрбияләргә җитә икән.

Фирдүс "Матбугат.ру"га үз адымын болай аңлатты:

- Кемдер шаяруларымны аңлый, кемдер аңламый. Инстаграмда гафу үтенсәм дә, күңелдә төер калды. Шуңа күрә ничектер моны үзгәртәсем килде. Үзем өчен, күңел тынычлыгы өчен. Әлбәттә, мине пиар ясый дип әйтүчеләр дә булыр. Мин хәйрия эшләрендә, мохтаҗларга ярдәм итүдә күп катнаштым. Әмма этләр приютына ярдәм итәрмен дип уйламаган да идем. Бәлки, бу юлда булган күңелсез очрак Аллаһы Тәгалә тарафыннан бер этәргеч булгандыр моңа.

Чыганак: matbugat.ru

Фото: Видеодан скрин.