Ерык авыз

Татар бер фирмага эшкә урнашырга килә:

–Сездә татарлар эшлиме? – дип сорый.

–Әйе, эшли.

Татар чыгып китә дә икенче фирмага бара:

–Сездә татарлар эшлиме?

–Әйе, бишәү эшли.

Татар тагын борылып чыгып китә. Өченче урынга бара.

–Сездә татарлар эшлиме?

Аны эшкә алалар. Бер атнадан карасалар, татар коридор булай кулларын кесәсенә тыгып, арлы-бирле йөренә. Вакыт-вакыт чәй эчә.

Моның янына җитәкче килә дә:

–Син нигә эшләмисең?–дип сорый.

–Бәй миңа кадрлар бүлегендә “монда татарлар эшләми” дип әйттеләр бит!–дип җаваплый татар.

**

Океанда кораб халәкәткә дучар була. Күрше торган утрауларга эләгеп, ике татар гына исән кала. Яшиләр болар шунда, ара-тирә бер-берсе белән кычкырып сөйләшеп алалар. Беркөнне тагын бер кораб бата. Бер хатын-кыз гына исән кала да, утрауларның берсенә йөзеп чыга. Берничә көннән теге татар күрше утраудагы иргә кычкыра:

–Әй, Шәмсетдин, йөз әйдә монда! Монда синең төшләреңә кереп саташтырган “күчтәнәч” бар!

Шәмсетдин шунда ук суга ташлана:

–Өчпочмак пешергән!

**

Бер исерек урам буйлап кайтып килә икән, абынган да егылган. Тордым гына дигәндә, тагын абынып егылган да:
- Шайтан алгыры, яңадан егыласымны белсәм, баягы егылудан ук тормаган булыр идем, – дип ята икән.

**

Ике кодагый чәй эчеп утыра. Берсе –татар, икенчесе –урыс. Урысы чәй ясый да:

–Пей, кодагый, пей!– дип кыстый икән.

Ә татар кодагые урысча аңламый да, сөйләшә дә белми. Ясаган саен чәйне эчеп куя икән. Унынчы чынаяктан соң түзмәгән:

–И, кодагый, пидем, пидем, инде астыма сидем, –дип әйтеп куйган.

**

Чуваш белән татарга маймылны сөйләшергә өйрәтергә кушканнар да бер капчык банан биреп, бер атнага өсләреннән бикләгәннәр. Атна үтүгә ишекне ачып карасалар: чуваш ябыгып беткән, маймылы туп кебек симергән ди. Әмма бер сүз дә әйтми икән.

Аннан барып татарның ишеген ачканнар.

Татар корсагын уа-уа чыгып килә икән. Аның артыннан:

–Хәмзә, бер генә банан бир инде,– дия-дия ябык маймыл йөгерә ди.

**

Немец, француз һәм татар хатыннарына алган бүләкләре белән мактана икән.

Француз әйтә ди:

Немец:

Татар исе дә китмичә:

–Мин хатынга үлчәү алып бирдем, секунд эчендә 100не баса!– ди икән.

**

Татар Мәскәүгә барган да зоопарккка кергән. Карап йөри икән бу. Страус читлеге янына килгән:

–Карале, Мәскәүдә тавыклар нинди эре!– дип әйтә икән.

Аннан бизон читлеге янына килгән.

–Карале, Мәскәүдә үгезләр нинди зур!

Горилла читлеге янына килгәч:

–Фатима күршекәем! Син дә Мәскәүдәмени!–дип кычкырып ук җибәргән ди.