Йолдызнамә эгоистлары. Алар белән ничек яшәргә?

Иң "беткән" эгоист – Кучкар. Бу аларның тормышының барлык өлкәләрендә чагыла. Кучкар нәрсәдер теләде икән, ул башкаларның мәнфәгатьләренә, хис-тойгыларына карап тормый, үзенә кирәк нәрсәгә теләсә нинди юл белән ирешәчәк. Кучкар белән бик тыныч, юл бирә белүче кеше генә яши ала.
Чаян да шундыйрак, дип ышандыра астрологлар. Максатына таба юл алганда ул үзеннән башка беркемне дә күрми. Башкаларны газапларга салса да үз дигәненә ирешә. Һәм бу хәл аны тамчы да борчымый. Сөйгәненә карата ул бик көнчел, моның аркасында аларның хәләл җефетләренең еш кына проблемалары да килеп чыгып тора.

Арысланның эгоизмы, гадәттә, башкаларга комачауламый. Ул үзенә игътибарны бик ярата, башкаларга да төкереп карамый. Якын-тирәдәгеләр аны мактый икән, ул аларга карата мәрхәмәтле һәм киң күңелле булачак.

"Кызыл тан" сайтыннан.