Пенсиясен… печеньеләтә биргәннәр

Уфада яшәүче пенсионергә декабрь ае пенсиясенең бер өлешен... пенченье белән түләгәннәр. Һәрхәлдә, пенсионерның кызы шулай дип белдергән.

5 декабрь көнне хезмәт ветеранына почтальон килгән. Кулына 13 мең 127 сум 40 тиен пенсиянең төп өлешен – акчалата, 27 сум 40 тиен урынына – бер кап печенье тоттырган да, чыгып та киткән. Бу хакта өлкән яшьтәге кешенең кызы сөйләгән.

Почтальон әтиемә 13 мең 100 сумны - акчалата, 27 сум 40 тиен урынына печенье биреп киткән, - дигән кызы Татьяна. - Янәсе дә, аларга 100 сумга кадәр суммаларны шулай бирергә кушканнар. Әтием бу хәлдән һушына килгәнче, почтальон чыгып та киткән.

Әлеге хәлнең төбенә төшү өчен Татьяна Пенсия фондының кайнар линиясенә шалтыраткан. Һәм гаҗәпләнүенең чиге булмаган – шалтыратканда... телефонның теге очында җирләү хезмәтенең рекламасы сөйли башлаган. Шуннан соң Татьяна Русия пенсия фондының Уфа бүлекчәсенә мөрәҗәгать иткән. Анда исә ханымга итәгатьле генә итеп: “Русия Почтасы” белән үзегез аңлашыгыз”, - дигәннәр.

“Русия Почтасы”ның матбугат хезмәтендә бу хәлнең чын булуы мөмкин түгел, диләр икән. Әмма шулай да күңелсез фактны тикшерергә вәгъдә биргәннәр.

Читайте нас:

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта

[email protected]

Адресы

452830, Республика Башкортостан, Татышлинский район, с. Верхние Татышлы, ул. Ленина, д. 91

Реклама хезмәте

8(34778) 2-10-14

Редакция

8(34778) 2-15-70

Кадрлар бүлеге

8(34778) 2-11-82