Мунча себеркесе хакында

Яфраклары коелмасын дисәң

Киптереп кенә түгел, туңдырып та була

Соңгы елларда миллекне яшел килеш туңдыргычка куя башладылар. Бу рәвешле саклаганда аның хуш исе көчлерәк була икән. Тик аның да үз кагыйдәләре бар.

1.Туңдырасы себеркенең ботаклары җыеп алгач, бер тәүлектән дә артык көтеп ятарга тиеш түгел.

2.Җыелган ботакларны берничә сәгатькә салкын суга тыгып торсаң яхшырак.

3.Аннан соң алып чүпрәк өстенә җәеп киптерергә кирәк.

4.Кипкәч, себеркене бәйлиләр һәм чиста пакетка салалар. Ашамлык өчен тәгаенләнгән пленкага төрсәң дә була.

5.Әзер себеркеләрне туңыргычта башка әйберләрнең өстенә куеп саклыйлар, чөнки туң ботаклар аеруча тиз сынучан була.

Туң мунча себеркесен эретүнең дә үз тәртибе бар.

1.Себеркенең мунчага барырга 2-3 сәгать калгач кына эретәләр. Бер атна алдан алып куйсагыз, әрәм генә булыр.

2.Эрү процессы җайлап барсын өчен тәүдә себеркеләрне бер сәгатькә туңдыргычтан суыткычка күчереп торалар, аннан соң гына алалар. Кышын суыткычка куймый, тышка чыгарып торсагыз да ярый.

3.Берүк туңдыргычтан туры мунчага алып китмәгез, себеркегез җебеп төшәчәк.

Чыганак https://omet-rb.rbsmi.ru/articles/faydaly-ki-shl-r/Muncha-seberkese-hakinda-345778/