Ишембай районы башлыгының отставкага китүе хакмы?

Ишембай районы башлыгы Азамат Абдрахманов отставкага китәргә мөмкин, дип яза ProUfu.ru. Басма белдерүенчә, муниципалитетта әлегә бу мәгълүматны расламаганнар. Әлегә район җитәкчесе отпускада дигәннәр. Аның эшкә чыгасы көнен дә төгәл әйтә алмаганнар.

Чынында исә алдан билгеләнгән процедурага ярашлы муниципалитет башлыгы отставкасын (аны вазифага куюны да) депутатлар хәл итә. “Башинформ”га Ишембай районы депутатлар советында аңлатуларынча, әлеге моментка район советы рәисе тарафыннан чираттан тыш җыелыш үткәрү хакында күрсәтмә булмаган.

Ә менә агентлыкның шәхси чыганаклары чыннан да түрәнең эшеннән китүе мөмкин хәл, ди.

Район башлыгы үзе отставкасы хакындагы мәгълүматны кире какты.

Азамат Абдрахманов Куштаудагы вакыйгалардан соң Ишембай районы халкының бик нык ачуын кабартты. Интернет челтәрендә таралган видеоязмаларда тау битендәге конфликт вакытында аның ямьсез итеп кычкыруын, аты-юлы белән сүгенүен республика гына түгел, бөтен Русия халкы күреп шаккатты.

Чыганак https://omet-rb.rbsmi.ru/articles/-mgyyat/Ishembay-rayoni-bashligini--otstavkaga-kit-e-hakmi-431647/

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Регистрационный номер: Свидетельство ПИ № ТУ02-01434 от 1 сентября 2015 года

Главный редактор: Файзрахманов Рафит Хайварович

Телефон

8(34778) 2-13-98

Электрон почта

[email protected]